Најмалку 19 Палестинци се убиени во израелските напади низ Појасот Газа во текот на изминатата ноќ и утрото, според палестинските здравствени работници.
Најмалку десет лица загинаа во израелски воздушен напад во Беит Ханун во северниот дел на Газа, а десетици други беа повредени кога беше погодена висока зграда, соопштија здравствените работници, пренесе Ројтерс.
Во друг воздушен напад, врз куќа во бегалскиот камп Нусејрат во централниот дел на Појасот Газа, загинаа најмалку седум лица, а голем број луѓе беа ранети, соопштија здравствените работници и палестинската државна служба за вонредни ситуации.