Најмалку 18 убиени во северна Нигерија

Од:

Најмалку 18 луѓе се убиени во северната нигериска држава Катсина од страна на вооружени напаѓачи, соопштија полициски извори.

Околу 500 мажи со мотоцикли, од кои некои вооружени со автоматски пушки, вчера поминале низ селото Сабон Гарин, каде што убиле најмалку 18 лица, меѓу кои и локалниот службеник Абдулхамид Сани (55), по неуспешниот обид за киднапирање.

Напаѓачите украле и илјадници животни од селото.

Портпаролот на полицијата Гомбо Иса ги потврди наводите на очевидците дека напаѓачите заедно со украдената стока се упатиле кон другите села во нигерискиот регион Батсари и дека многу жители избегале од своите домови.

Тој рече дека полицијата ги пребарува шумите за да ги најдат напаѓачите.

Минатата година во слични напади на криминални вооружени банди беа убиени стотици луѓе во северозападна Нигерија.

Оваа најнаселена африканска земја се бори со голем број други безбедносни проблеми предизвикани од радикалните исламисти и насилството меѓу сточарите во централните региони.

Би можело да ве интересира

Повеќе од 100 гости на свадбата се удавија во Нигерија кога нивниот брод се преврте

Најмалку 54 лица загинаа во експлозија на бомба во централна Нигерија

ВИДЕО: Свештеник жив запален во Нигерија

А1он

Вооружени напаѓачи киднапираа 30 лица од железничка станица во Нигерија

А1он

Најмалку 14 луѓе загинаа, автомобил влетал во публика на карневал во Нигерија

А1он

Вооружени банди во Нигерија убиja над 38 луѓе и запалија 100 куќи