Најмалку 16 загинати во воздушен напад на руските сили врз Идлиб

Од:

Во воздушен напад на руските воени авиони врз сириската северозападна провинција Идлиб загинаа 16 лица, а повредени се повеќе од 35 лица, соопштија активисти и групите за следење на конфликтот, пренесе ДПА.

Бомбардиран е пазарот во градот Маарет ал-Нумаан, соопшти сириската Опсерваторија за мониторинг на човековите права со седиште во Велика Британија.

Активистите наведуваат дека воените авиони извршиле неколку летови на пазарот, во центарот на градот.

Тие изјавија дека црниот чад се крева над центарот на градот и граѓаните се на улиците, плачат и бараат помош.

Бројот на жртвите најверојатно ќе биде поголем, наведува агенцијата, бидејќи некои од повредените се во многу сериозна состојба, додека многу други се уште се водат за исчезнати или заглавени под урнатините, соопштуваат очевидци на нападот.

Силите на сирискиот претседател Башар ал-Асад, поддржани од руската авијација, од крајот на април спроведуваат масовна кампања против бунтовниците во провинциите Хама и Идлиб, што важат за последните опозициски упоришта во земјата.

Во офанзивата досега се убиени 2.599 лица, од кои 707 биле цивили, а раселени се дополнителни над 300.000 лица, наведувата набљудувачите , а пренесе ДПА.

Би можело да ве интересира

Путин не добил покана да учествува на одбележувањето 75 години од ослободувањето на Аушвиц

Ана Ололовска

Руски научници развиваат вакцина против коронавирус

Ана Ололовска

Руски авион се врати на аеродромот поради закана за бомба

Ана Ололовска

Москва: Седум кинески државјани префрлени во болница, се сомнева на коронавирус

Ана Ололовска

Русија го задржува правото на реципрочни мерки кон Бугарија

Ана Ололовска

Москва и Анкара тврдат дека во Сирија имало околу 200 случаи на кршење на примирјето

Ана Ололовска