Најмалку 15 убиени по повлекувањето на ал-Садр од политиката

Од:

Најмалку 15 лица се убиени додека продолжи судирот меѓу безбедносните сили на Ирак и поддржувачи на моќниот шиитски свештеник Моктада ал-Садр, синоќа во Багдад, јави Би-би-си.

dobivaj vesti na viber

Официјали лица информираа за десетици повредени, откако демонстранти, лојални на ал-Садр, упаднаа во претседателската палата.

Насилството беше поттикнато откако Ал- Садр вчера соопшти дека се повлекува од политиката.

Преодниот премиер повика на мир, а војската прогласи полициски час низ целата земја, откако имаше немири и во некои други градови.

Уличните пресметки станаа посериозни во текот на ноќта, а Би-би-си ги опиша како најлошите во ирачкиот главен град изминативе години.

Голем дел од пресметките беа околу Зелената зона на градот, област каде се сместени владини згради и странски амбасади.

На видеа објавени на социјалните мрежи се гледа како поединци користат и ракетни гранати.

Поради целата ситуација, Иран ги затвори своите граници со Ирак, а Кувајт ги повика своите граѓани веднаш да ја напуштат земјата.

Портпарол на генералниот секретар на Обединетите Нации, Антонио Гутереш, изјави дека тој е загрижен од настаните и повика на „итни чекори за деескалација на состојбата“.

Четириесет и осумгодишниот ал-Садр е доминантна личност во ирачкиот јавен и политички живот изминатите две децении. Неговата армија Мехди се истакна како една од најмоќните милиции што се бореле против американските и сојузничките ирачки владини сили, по инвазијата што го собори поранешниот владетел Садам Хусеин.

Извор: МИА

Би можело да ве интересира

Иран распоредува специјални воени сили на границата со Ирак

А1он

Ирак ќе распореди граничари на границата со Иран и со Турција

А1он

Турски министер: Досега гаѓани се 471 мета и неутрализирани се 245 терористи во Ирак и Сирија

А1он

Зградата се урна по пожар, загинаа 20 лица

Горан Наумовски

По речиси 13 месеци, во Ирак е формирана влада

Ирачкиот Парламент го избра Абдел Латиф Рашид за претседател на земјата