Најмалку 14 мртви во напад на затвор во Мексико

Од:

Најмалку 14 лица, од кои десет чувари, се убиени во напад на затвор во Сиудад Хуарез на границата со САД, соопштија во неделата локалните власти. Најмалку 24 затвореници избегале, а четири лица се повредени, соопшти државното обвинителство на мексиканската држава Чивава.

Вооружените напаѓачи пристигнале со оклопни возила и почнале да пукаат кон чуварите. Во исто време, семејствата на затворениците чекаа да бидат пуштени во затворот на посета по повод Новата година. Нападот се случил со цел да се овозможи бегство на група затвореници, според првичните информации.

Полицијата со помош на војската уапсила четири лица. Не се знае дали станува збор за напаѓачи или за избегани затвореници. Во затворот во овој град во северно Мексико се сместени членовите на картелите Синалоа и Хуарез, кои повеќе од 15 години се борат за контрола на градот.

Би можело да ве интересира

Демонстрантите во Мексико упаднаа во претседателската палата

ВИДЕО: Страотна несреќа во Мексико, 19 мртви

31 мигрант киднапирани во Мексико на пат кон САД

Разбеснети фармери убија членови на мексиканскиот картел, наскоро следуваше одмазда

Шест лица загинаа во борба на нарко картели во Мексико

Силен земјотрес во Мексико