Руските медиуми пренесуваат дека утрово граната погодила трамвајска станица во Доњецк, при што загинале најмалку 13 лица , додека повредени се повеќе десетици.
Жестоките судири во Доњецк продолжија во момент кога на состанокот на министри за надворешни работи на Германија, Франција, Русија и Украина е договорено повлекување на тешкото оружје.
Како што пренесуваат локалните власти, гранатирањето се случило во утринскиот сообраќаен шпиц, поради што настрадаа повеќе лица.
Инаку ова е втора трагедија од ваков вид последниве десетина дена, кога на 13-ти јануари настрадаа 12 лица при грантирање на автобус во градот Волновах, одалечен 60 километри од Доњецк.
Властите на самопрогласената Народна република Доњецк, го обвинија Киев за тој напад.
Е. Г.