Најмалку 10 мртви во Алжир во експлозија предизвикана од протекување гас

Од:

Најмалку 10 лица загинаа во експлозија во станбена зграда во алжирската провинција Борџ Бу Арериџ, соопшти денеска алжирската служба за цивилна одбрана.

Во експлозијата се повредени уште 16 лица, а се верува дека била предизвикана од истекување гас. Од силината на експлозијата подоцна дошло до уривање на зградата, наведува локалната цивилна одбрана.

Сè уште не е познато колку лица имало во зградата вчера, во моментот на експлозијата.

Меѓу загинатите е и деветмесечно дете, објави алжирскиот весник „Енахаронлајн“.

Провинцијата Борџ Бу Арериџ се наоѓа на околу 250 километри источно од главниот град на Алжир.

Извор: МИА

Би можело да ве интересира

Туристи залутаа во алжирски води, убиени се

Се зголемува бројот на загинати во пожарите во Алжир, земјата е под „напад“ на топлотен бран

Во Алжир падна снег

Горан Наумовски

Седумнаесет загинати во три инциденти со истекување гас во Алжир

Ана Ололовска

„Фајненшл тајмс“: Словенија планира да изгради гасовод до Унгарија за алжирски плин

А1он

Алжир осуди 49 лица на смртни казни поради линч на лажно обвинет за шумските пожари