Најмалку 10 цркви во Канада запалени од вандалите заради злосторствата врз деца од автохтоното население

Од:

Најмалку 10 цркви биле мета на вандали во канадската провинција Алберта, а полицијата инцидентите ги поврзува со гневот на граѓаните заради историската неправда врз автохтоното население.

Црквите во градот Калгари се обоени во портокалова и црвена боја, соопштија истражителите.

Премиерот на Алберта, Џејсон Кени кажа дека нападите се „застрашувачки“.

Полицијата во Калгари соопшти дека инцидентите се случиле некаде помеѓу средата вечерта и четвртокот наутро и дека „сите вандализирани локации биле дел од христијанската религија“, пренесува Би-Би-Си.

Нападите се случуваат откако беа пронајдени необележани гробници во близина на поранешните интернати управувани од Римокатоличката црква, во кои биле принудувани настава да посетуваат деца на домородните народи.

Статуите на кралицата Викторија и кралицата Елизабета Втора беа демолирани и во канадската провинција Манитоба.

Канадската автохтона заедница вчера соопшти дека 182 необележани гробници се пронајдени под друг поранешен интернат, трет по ред. Гробовите се пронајдени под училиштето „Мисијата на Св.Евгениј“, што било управувано од Католичката црква од 1912 до раните 1970-ти . Овие остатоци се откриени откако стотици необележани гробници, за кои се верува дека содржат остатоци од автохтони деца, беа пронајдени на местото на два поранешни интернати во Канада, по што многу членови на автохтониот народ Првите нации, повикаа на запирање на прославата на Денот на Канада.

Би можело да ве интересира

Трудо им порача на Канаѓаните дека им е потребна влада која верува во науката

Ана Ололовска

САД: Границите со Канада и Мексико остануваат затворени

А1он

Трудо најави предвремени избори во Канада наесен

Ана Ололовска

Канада наскоро ќе дозволи влез за странци, ама само ако се вакцинирани

Жарко Настоски

Во Канада околу 500 починати поради екстремно високи температури

А1он

ВИДЕО: Молњи предизвикаа повеќе од 130 пожари во Канада

Катерина Павлова-Николовска