Германскиот производител на оружје Рајнметал, кој, меѓу другото, произведува тенкови Леопард, сака да отвори фабрика за тенкови во Украина, изјави извршниот директор Армин Папергер за германски весник, а пренесува Си-Ен-Ен.
Папергер, како што цитира „Рајнише пост“, рече дека преговорите за изградба на таква фабрика се во тек и дека одлуката може да се донесе во рок од два месеци. Можна фабрика би чинела околу 200 милиони евра и би можела да произведува околу 400 тенкови годишно.
Извршниот директор додаде дека во фабриката може да се инсталираат системи за противвоздушна одбрана за заштита на објектот и дека во Украина може да се произведе нова верзија на целосно дигитализираниот борбен тенк Пантер. Рајнметал е најголемиот производител на оружје во Германија со околу 25.000 вработени.