Во Кина живеат 47.773 лица чиј животен век надминува 100 години, пишува во извештајот на Здружението за геронтологија во земјата.
Во документот, исто така, се наведува дека од вкупниот број луѓе кои имаат повеќе од 100 години, 38.268 се жени, а 9.505 се мажи.
Извештајот покажува и дека 35.316 долговечни Кинези живеат во руралните средини, додека останатите 12.457 се во градовите. Истовремено, најстариот жител на Кина, жена која се вика Луо Мејцин, живее на на подрачјето на Џианси Чанга во југозападниот дел од државата.
Во јужниот дел на Кина живее и најстарата брачна двојка Чанг Ванчинг и Ванг Џусиу, кои заедно имаат 214 години.