Околу 44 германски полицајци се повредени во судири со хулигани вчера за време на протести организирани од крајната десница во Келн.
Приведени се дваесетина демонстранти, што употребиле насилство, соопшти портпарол на полицијата во западниот германски град. Неколку часа по митингот хулиганите продолжиле со нарушување на редот во центарот на градот.
Протестите се организирани од крајнодесничарската исламофобска партија „Народно движење за Северна Рајн-Вестфалија“, од името на групата, наречена „хулигани против салафити“. Најмалку 4 илјади хулигани и крајнодесничари одговорија на повикот.
Полицијата морала да употреби солзавец, водени топови и палки за смирување на ситуацијата и избегнување судир со 500-те контрадемонстранти. Полицајците биле нападнати со шишиња, камења и мини-бомби.