Францускиот претседател Емануел макрон на 8 септември ќе го промовира Националниот совет за обнова (ЦНР) во кој ќе се осмислуваат големите проекти што ќе бидат во духот на консултациите.
Политико пишува дека просториите на оваа нова алатка ќе биде тренинг центарот на францускиот рагби тим, лоциран во Маркусис, во Есон, што претставува симболичен избор што треба да го илустрира духот што го бара извршната власт, јави дописникот на МИА.
-Тоа е најзначајното место за францускиот рагби, спорт што го покажува колективниот дух, духот на отвореност и вредностите на рагбито, изјави владиниот портпарол Оливие Веран, во гостување на Франс Инфо.
„ Околу масата ќе ги има сите луѓе со добра волја кои не се плашат да дојдат и да ги споделат со Французите своите дијагнози за ситуацијата во нашата земја“, продолжи тој.
Политико потсетува дека не е невообичаено во овој центар да се организираат политички настани. Тоа веќе беше случај во 2009 година, кога извршните директори на Социјалистичката партија се состанаа за да се подготват за претстојните претседателски избори. Сепак, не е сигурно дека местото е доволно да се создаде тимски дух.
Според информациите на Фигаро, претседателот на Сенатот на ЛР (Републиканци), Жерар Ларше, нема да учествува на оваа консултација која, според него, ја заобиколува работата на Парламентот. Многу опозициски партии, исто така, фрлаат сомнеж во нивното присуство и подвлекуваат дека станува збор за уште еден „гаџет“ на претседателот.
Извор: МИА