На мал аџилак во Мека ќе можат да одат само вакцинирани или со стекнат имунитет од Ковид-19

Од:

Само луѓето кои биле вакцинирани или со стекнат имунитет од Ковид-19 ќе можат да одат да вршат омра, мал аџилак во Мека за време на муслиманскиот месец на постот Рамазан, што почнува во средината на април, соопштија саудиските власти.

Министерството за аџилак објави дека „само на лицата имунизирани од коронавирусот“ ќе им биде дозволено да вршат аџилак или молитви во Големата џамија во Мека на почетокот на Рамазан.

„Тие луѓе спаѓаат во три категории, оние кои примиле две дози вакцина, оние кои примиле само една доза 14 дена порано и оние кои биле излекувани од коронавирусот“, соопштија властите.

За време на Рамазан во Мека обично има голем број верници од Саудиска Арабија и други муслимански земји. Мал аџилак, или омра, може да се изведува во текот на целата година за разлика од аџилакот, кој е еднаш годишно. Малиот аџилак беше прекинат во март 2020 година поради пандемијата, а на почетокот на октомври полека почна да се враќа со мерки на претпазливост.

Би можело да ве интересира

Саудиска Арабија планира да ги намали емисиите на стакленички гасови на нула до 2060 година

Меѓународната коалиција тврди дека убила повеќе од 160 Хути во близина на Мариб

Ана Ололовска

Ирак и Саудиска Арабија по 30 години го отвораат граничниот премин Јамима

Прв дијалог за човекови права меѓу ЕУ и Саудиска Арабија

Ана Ололовска

Саудискиот крал го отпушти шефот на безбедноста поради корупција

Ана Ололовска

Во Саудиска Арабија уапсени над 200 државни службеници поради корупција