Морнарицата на САД им помага на „нападнати танкери“ во Оманскиот Залив

Од:

Американска Петтата флота денеска соопшти дека нејзини бродови во реонот на Блискиот Исток добиле сигнали за инциднети на два танкера за нафта, за кои се тврди дека биле нападнати во Оманскиот Залив.

– Ние сме запознати со нападот врз танкерите во Оманскиот Залив, се вели во соопштението од Петтата флота, чие седиште е во Бахреин.

– Морнарицата на САД во регионот доби два одделни повици за помош помеѓу 6:00 и 7:00 по локално време утринава, се вели во соопштението.

Бродови на Морнарицата на САД им укажуваат помош на екипажите на танкерите.

Вашингтон минатиот месец го обвини Иран за напад врз четири танкери за нафта во близина на брегот на Обединетите Арапски Емирати, но властите во Техеран отфрлија каква и да било нивна поврзаност со настанот.

Претходно овој месец Обединетите Арапски Емирати во допис до Советот за безбедност на ОН посочија дека нападите врз танкерите со нафта во нивните пристаништа, најверојатно се дело на „државни служби“.

Би можело да ве интересира

САД им издадоа визи на Рохани и Зариф

Во Авганистан при напад со американски дрон загинаа 30 цивили

Русија и Кина блокираа резолуција на ОН за прекин на огнот во Сирија

САД ја прекинуваат директната помош за Авганистан

Зариф: Напад од САД или од Саудиска Арабија врз Иран ќе резултира со „сеопшта војна“

Помпео: САД создаваат коалиција, сакаат мирно решение