Молдавија побара од западните земји системи за противвоздушна одбрана

Од:

Министерот за одбрана на Молдавија, Анатолиј Носати изјави рече дека земјата побарала од западните партнери системи за противвоздушна одбрана, спротивно на досегашната политика да не купува смртоносно оружје од Запад.

Носати, кој минатата недела присуствуваше на состанокот на Контакт групата за одбрана на Украина во американската база Рамштајн во Германија, за Радио Слободна Европа изјави дека шансите на Молдавија да добие такво одбранбено оружје се мали во време кога главен приоритет на западните сојузници е испорака на оружје за Украина.

Сепак, тој додаде дека „во тек“ се разговорите на Молдавија со западните земји за испорака на системи за противвоздушна одбрана.

Молдавија го промени ставот за набавка на западно оружје откако неколку руски ракети паднаа на нејзина територија, во близина на границата со Украина и беа соборени од украинските сили. Руските ракети лансирани од Црното Море кон цели во западна Украина, исто така, често пати летаат над североисточна Молдавија.

„Војната во Украина покажа дека статусот на неутралност на Молдавија и дискусиите за демилитаризација на Молдавија повеќе не се веќе актуелни“, изјави Носати за РСЕ.

Украинските власти постојано предупредуваа дека Русија може да го искористи молдавскиот регион Придњестровје, кој еднострано прогласи независност во 1990 година, за воени операции против Украина или Молдавија. Во Приднестровје, област што граничи со Украина, сè уште има стотици руски војници распоредени пред падот на комунизмот, и покрај приговорите на Кишињев.

Извор: МИА

Би можело да ве интересира

Молдавија му одговори на Лавров: Ние самите избираме да бидеме дел од слободниот свет

Ана Ололовска

Молдавија се ослободува од зависноста од рускиот гас

Ана Ололовска

Детали за падот на ракетата во Молдавија: Мештаните слушнале тресок, нема опасност од експлозија

А1он

Инцидент во Молдавија: Граничната патрола открила падната ракета, не се знае од каде дошла

А1он

ВИДЕО: Над 100 ракети се упатуваат кон Украина, прекин на струја и во Молдавија

А1он

Претседателот на долниот дом на романскиот Парламент сака Романија да се обедини со Молдавија

Ана Ололовска