Могерини со големи очекувања од донаторската конференција за Сирија

Од:

Високата претставничка за надворешна и безбедносна политика на ЕУ Федерика Могерини изјави денеска дека Брисел очекува „значителни ветувања“ за донации на Сирија.

Зборувајќи пред почетокот на донаторската конференција, Могерини истакна дека „Сиријците не смеат да бидат заборавени, во моментот кога се чини дека на меѓународната заедница малку помалку и е грижа за неа“.

Околу 55 земји и 80 делегации се очекуваат денеска да присуствуваат на донаторската конференција во Брисел.

Во извештајот на Обединетите нации се наведува дека се неопходни 3,3 милијарди долари за да се одговори на потребите на земјата, плус дополнителни 5,5 милијарди долари за поддршка на земјите како што се Јордан, Либан и Турција, каде има големн број сириски бегалци.

Околу 11,7 милиони Сиријци и натаму зависат од меѓународна помош, додека шест милиони побегнаа од земјата, која е веќе осум години во војна.

Европската унија вети 2,01 милијарда евра (2,27 милијарди долари) од буџетот за 2019 година, со што ќе се покрие голем дел од средствата, со оглед на тоа дека цел на Конференцијата е да собере најмалку шест милијарда долари. Средствата од ЕУ не ги вклучуваат донациите од земјите поединечно, но во неа се пресметани 1,5 милијарди евра кои претходно беа наменети за сириските бегалци во Турција.

Германија вети донација од 1,44 милијарди евра, но тие средства се однесуваат на тригодишен период, односно треба да бидат исплатени до 2021 година.

Во Сирија, каде што во тек е граѓанска војна веќе осум години, а стотици илјади луѓе се убиени, итно е потребна помош за 11,7 милиони луѓе, вклучувајќи и голем број деца.

Би можело да ве интересира

Џачка: Албанија заслужува и треба да седне на преговарачка маса со ЕУ оваа година

А1он

Борел: Кандидатите за членство во ЕУ ​​да работат на реформи во клучните области

А1он

Фон дер Лајен: ЕУ нема да дозволи Полска да ги доведе во ризик нашите вредности

Катерина Павлова-Николовска

ЕУ бара да се стави крај на заканите врз територијалниот интегритет на БиХ

А1он

Сириската Влада ракетирала упориште на бунтовниците, убиени четири лица

Ана Ололовска

Меркел вети дека ќе продолжи поддршката од ЕУ за Турција

Ана Ололовска