Модерна планира да ја снабди Кина со вакцини против Ковид-19

Од:

Директорот на американската биотехнолошка компанија Модерна, Стефан Бансел изјави дека разговарал со претставници на кинеската Влада за снабдување на Кина со вакцини против коронавирусот.

– Ние сме отворени (за договор), имаме капацитет, истакна Бансел.

Тој додаде дека сè уште не е донесена одлука за испорака на вакцини против Ковид-19 во Кина, а исто така не откри дали Модерна ја доставила својата вакцина на одобрување од кинеските регулатори.
Има околу 20 проценти шанси дека оваа зима ќе се појави проблематичен сој на вирусот, посочи Бансел.

Директорот на Модерна, кој е во посета на Токио изјави дека компанијата размислува за изградба на капацитети во Јапонија за производство на производи со помош на РНК технологија.

Јапонија вчера одобри дополнителни дози на вакцините Модерна и на Фајзер за сојот Омикрон.

Минатиот месец, Модерна поднесе тужба против Фајзер и нејзиниот партнер БиоНТек за прекршување на патент во развојот на првата вакцина против Ковид-19 одобрена во САД.

Извор: МИА

Би можело да ве интересира

Кинеска провинција дозволи невенчаните парови легално да имаат деца

А1он

ВИДЕО: Силен земјотрес во Кина

Кина продолжи да издава визи за јапонските граѓани

Ана Ололовска

Кина ја нарече Америка земја која ги крши правилата

Во Кина драстично намален бројот на тешки случаи и смрт од Ковид-19

Ана Ололовска

Лунарната Нова година во Кина прославена без мерки против Ковид-19

Горан Наумовски