Министрите за надворешни работи на Германија, Франција, Русија и Украина ќе се сретнат денеска во Берлин, за да се обидат да ги усогласат иницијативите за прекин на конфилктот во Источна Украина.
Според дипломатски извори средбата нема да има утврден дневен ред, со цел да не се создадат предвремени очекувања.
Средбата е на иницијатива на германскиот министер за надворешни работи Франк-Валтер Штајмнајер, пренесува ДПА.
Според германскиот весник „Зидојче Цајтунг“ целта на средбата е да се разговара за мерки за изградба на доверба. Четворицата министри ќе се сретнат во зградата на германското Министерство за надворешни работи.