Министрите на ЕУ согласни за воведување нови санкции против Русија

Од:

Министрите за надворешни работи на ЕУ се согласија да ги заострат санкциите кон Русија и да ја зголемат испораката на оружје за Киев, откако рускиот претседател Владимир Путин нареди мобилизација на стотици илјади Руси за војната во Украина.

dobivaj vesti na viber

Министрите за надворешни работи кои се во Њујорк на состанокот на светските лидери во Обединетите нации одржаа вонреден состанок доцна во средата во врска со украинската криза.

Шефот за надворешна политика на ЕУ, Жозеп Борел, изјави дека најавата на Путин за анексија на делови од украинската територија и заканата од нуклеарно оружје покажуваат „паника и очај“.

„Јасно е дека Путин се обидува да ја уништи Украина“, изјави Борел за новинарите по состанокот на министрите на ЕУ.

Откако беа информирани од украинскиот министер за надворешни работи, Дмитро Кулеба, министрите се согласија да подготват осми пакет санкции што ќе ги таргетира „порелевантните сектори на руската економија и ќе продолжи да ги таргетира луѓето одговорни за војната за агресија во Украина“, рече Борел.

Министрите на ЕУ ќе го одржат својот следен официјален состанок во средината на октомври кога се очекува да биде формализиран пакетот санкции.

Министрите се согласија и да ја зголемат испораката на оружје за Украина. Борел одби да даде дополнителни детали за видот на санкциите или воената поддршка, но рече дека верува оти ќе има „едногласна“ поддршка за новите мерки во Унијата.

Би можело да ве интересира

Русија: Украинците ослободија девет наши затвореници

Ана Ололовска

Њујорк тајмс: Голем број хаубици од западни држави вон употреба во Украина

Ана Ололовска

ВИДЕО: Објавена снимка од руските напади во Днепар

Ана Ололовска

Во Киев 130.000 граѓани се уште се без струја по руските напади

Ана Ололовска

Херсон повторно има струја

Ана Ололовска

(ВИДЕО) Столтенберг: Путин не е во состојба да го постигне тоа што го сака во Украина, затоа станува се побрутален

Ана Ололовска