Министерот за внатрешни работи на Естонија Март Хелме го „преживеа” гласањето за недоверба, иницирано од опозициската Реформистичка партија.
Гласањето недоверба беше иницирано поради неговиот потсмев упатен кон новата премиерка на Финска, Сана Марин и кон Социјалдемократска партија.
Во естонскиот Парламент, во кој има 101 место, 44 пратеници гласаа „за“, а 42 пратеници против тоа Хелме да се отстрани од функција. За Хелме да биде отстранет од функција потребни беа минимум 51 глас.
Хелме (70) во разговор во емисија на Естонско радио, во неделата, ја исмеваше Сана Марин, новата 34-годишна премиерка на Финска, нарекувајќи ја „касиерка” која ќе го предводи најблискиот сосед на Естонија, мислејќи на нејзината поранешна работа во стоковна куќа.
Историчарот и некогашен амбасадор на Естонија во Русија, исто така ја коментираше и „црвената” Социјалдемократската партија предводена од Марин, оценувајќи дека ќе ја „ликвидира” Финска со својата политика.
Марин (34) минатата недела стана најмладиот светски премиер и трета жена-лидер на владата во Финска.
Претседателката на Естонија, Керсти Кaљулаид, вчера во телефонски разговор со својот колега од Финска, Саули Нинистo, јавно упати извинување во името на Естонија и Хелме кон Марин и нејзината влада. Хелме, исто така, упати извинување и ги обвини медиумите за преувеличување на неговите коментари.