Пратениците на латвискиот Парламент го избраа денеска министерот за одбрана Рајмондс Вејонис за нов претседател на државата.
Вејонис (48) е избран во петтата рунда гласање во парламентот на Латвија, кој брои 100 пратеници.
Рајмондс Вејонис на претседателското место ќе го замени Андрис Берзиљш, кој не се кандидира за нов четиригодишен мандат. Со тоа Вејонис стана петти претседател на Латвија, земја членка на НАТО.
Вејонис, кој е биолог по професија, е поранешен министер за заштита на животната средина, а од 2011 година член на Националниот безбедносен комитет. На позицијата министер за одбрана е поставен во јануари годинава.