Минхенскиот надбискуп Маркс повикува на длабоки реформи во Римокатоличката црква по извештајот за злоставувања

Од:

Надбискупот од Минхен, Рајнхард Маркс, денеска изјави дека на Римокатоличката црква и се потребни длабоки реформи за да се надмине „катастрофата“ предизвикана од наводите за сексуална злоупотреба и изјави дека има намера да остане на позицијата и покрај обвиненијата на негова сметка.

Папата Франциск минатата година ја отфрли оставката на Маркс, која ја поднесе токму поради скандалот поврзан со сексуалната злоупотреба во Минхенската надбискупија на Римокатоличката црква.

Маркс, близок соработник на папата, е обвинет за два случаи на злоупотреба, што ги водел, а не презел ништо.

Обвинувањата беа изнесени во независниот извештај подготвен на барање на Минхенската надбискупија од адвокатската канцеларија „Вестпфал Спилкер Вастл“.

Надбискупот Маркс денеска пред новинарите изјави дека ќе го проучи извештајот и случаите за да „научи од нив“.

Тој им се извини на жртвите и верниците во неговата парохија.

Маркс додаде дека сака да придонесе за натамошниот тек на истрагата, но дека ќе разговара со претставници од надбискупијата и од Ватикан доколку забележи дека тоа „повеќе ќе смета отколку што ќе помогне“.

-Гледаме катастрофа. Секој кој сè уште ги негира системските причини и се противи на потребната реформа на црквата во нејзините ставови и структури, не го разбра предизвикот, рече тој.

Маркс, исто така, посочи дека Црквата мора да допре до жртвите и дека тој ги „превидел“, што е „непростливо“.

Во извештајот се обвинува и пензионираниот папа Бенедикт Шеснаесетти, претходно надбискуп Минхенски, Јозеф Рацингер. Обвиненијата против него се однесуваат на четири случаи во кои знаел за сексуална злоупотреба и дека свештеникот кој извршил кривично дело само го префрлил во друга надбискупија.

Извор: МИА

Би можело да ве интересира

(ВИДЕО) Сталоне во Ватикан, разменија боксови со папата: Ги гледав твоите филмови

Предраг Петровиќ

Папата го прими актерот Силвестер Сталоне и неговото семејство во Ватикан

Обвинителот на Ватикан откри дека има нови индиции за мистериозното исчезнување на Емануела Орланди

Гол маж се качи на олтарот во базиликата Свети Петар

Ана Ололовска

Во Илиноис, околу 450 свештеници злоставувале повеќе од 1900 деца

Ана Ололовска

Влезе со автомобил низ портите на Ватикан: Се упати кон дворот на палатата, полицијата пукаше