Компанијата Мета ќе му дозволи на поранешниот американски претседател Доналд Трамп да се врати на Фејсбук и Инстаграм во наредните недели, две години откако неговиот профил беше суспендиран од тие социјални мрежи по нападот на американскиот Капитол во 2021 година, соопштија претставници на компанијата.
„Како општо правило, ние не сакаме да се мешаме во отворена, јавна и демократска дебата за платформите на Мета – особено во контекст на изборите во демократски општества како што се Соединетите држави“, рече претседателот за меѓународни односи на Мета, Ник Клег.
Тој додава дека јавноста треба да има можност да слушне што велат нивните политичари, без разлика дали е добро, лошо или грдо, за да можат да носат квалитетни одлуки на изборите.