Меркел и Макрон разговараа со кинескиот лидер Сји Џинпинг

Од:

Германската канцеларка Ангела Меркел и францускиот претседател Емануел Макрон денеска одржаа заеднички разговори со кинескиот лидер Сји Џинпинг, во време кога односите меѓу ЕУ и втората по големина светска економија стануваат сѐ потензични, јавува ДПА.

-Видеоконференциската врска меѓу тројцата лидери се фокусираше на односите меѓу ЕУ и Кина, меѓународната трговија, заштитата на климата и биодиверзитетот, посочи портпаролот на германската Влада.

Лидерите разговараа и за соработката во борбата против пандемијата на Ковид-19, глобалното снабдување со вакцини и други меѓународни и регионални теми.

Меркел и Макрон се залагаат за заострување на краткорочните цели за намалување на емисиите на јаглерод диоксид, како и за заедничките напори за заштита на биодиверзитетот.

Кинескиот град Кунминг во октомври ќе биде домаќин на конференција на ОН за биодиверзитетот, додека следната конференција на ОН за климатски промени ќе почне малку подоцна во Глазгов, во Шкотска.

Според кинески извори, пренесува ДПА, Си во видео разговорот се залагал за „мултилатерализам и соработка“.

Последен пат тројцата лидери разговараа во април, а тогаш главна тема беше заштитата на климата. Оттогаш, постојано растат тензиите меѓу Кина и ЕУ.

Европа го обвинува Пекинг за нефер трговски практики, за континуирано кршење на човековите права на ујгурското малцинство, задушување на движењето за демократија во Хонг Конг и за покажување на својата воена моќ во територијалните спорови со соседите.

Европскиот парламент во мај го стави во мирување долго планираниот договор за инвестиции меѓу Кина и ЕУ. Тоа беше предизвикано од кинеските контрасанкции во март, кои беа одговор на европските казни против официјални кинески лица за кои Брисел тврди дека се одговорни за кршење на човековите права во автономната област Синџијанг.

Би можело да ве интересира

Меркел повика да се гласа за Лашет со цел „Германија да остане стабилна“

А1он

Волстрит џурнал: Меркел го одбила првиот телефонски повик од Бајден во својство на претседател на САД

Ана Ололовска

Нема детали за капитални инвестиции во нацрт – буџетот на Макрон за изборната година

А1он

Макрон денеска ќе разговара со Бајден за кризата со подморниците

А1он

QR кодот од здравствената пропусница на Макрон се појави на социјалните мрежи

Меркел: Судско гонење на антисемитизмот е од витално значење за Германија

А1он