Компанијата „Марк“ ќе и помогне на ривалската компанија „Џонсон и Џонсон“ во производство на вакцина против Ковид-19, пишува весникот „Вашингтон пост“, повикувајќи се на висок претставник од администрацијата на американскиот претседател Џо Бајден.
Се очекува Бајден тоа да го објави подоцна денеска.
Американската фармацевтска компанија „Мерк“ во јануари го прекина развојот на своите вакцини и наместо тоа се фокусира на два лека против коронавирусот.
Компанијата минатиот месец објави дека преговара со влади и други компании за да помогне во производството на одобрените вакцини.
Фармацевтскиот гигант ќе ја произведува вакцината на „Џонсон и Џонсон“ во своите две фабрики, пишува весникот.
– „Мерк“ останува посветен на придонесот во глобалниот одговор на пандемијата, објави компанијата.