Мексико му нуди политички азил на Асанж

Од:

Мексико е подготвено да му понуди политички азил на Џулијан Асанж и со тоа да ја поддржи одлуката на британскиот суд да ја одбие екстрадицијата на основачот на Викиликс во САД, изјави претседателот на Мексико, Мануел Лопез Обрадор.

– Асанж е новинар и заслужува шанса. Јас се залагам за неговото помилување, рече Обрадор. Тој додаде дека Мексико ќе му пружи заштита, доколку британските власти се согласат тој да биде ослободен и префрлен во земјата.

Британската судијка Ванеса Бараитсер претходно денеска соопшти дека основачот на Викиликс, Џулијан Асанж (49) нема да биде екстрадиран во САД по обвинението за шпионажа , објаснувајќи дека тоа би била репресивна мерка поради неговата психичка состојба. Таа рече дека Асанж најверојатно би извршил самоубиство доколку биде испратен во САД.

Американската администрација соопшти дека ќе поднесе жалба на пресудата.

Обвинителството во САД го обвини Асанж по 17 точки, како и една дека ја злоупотребил употребата на компјутерите околу објавите на Викиликс на воени и дипломатски документи пред една деценија.

Обвиненијата против него би можеле да му донесат и потенцијална затворска казна од 175 години.

Адвокатите на Асанж застанаа во негова одбрана со аргументи дека тој се однесувал како новинар и се повикал на Првиот амандман, кој особено ја нагласува слободата на говорот, за објавување документи што ги откриваат наводните незаконски дејствија на американската армија во Ирак и Авганистан.

Би можело да ве интересира

ВИДЕО: Најмалку 19 загинати и 32 повредени патници откако автобус се заби во куќа во Мексико

Ана Ололовска

Бајден во Белата куќа се среќава со лидерите на Мексико и Канада

А1он

Џулијан Асанж се ожени во затвор

Катерина Павлова-Николовска

Најмалку 19 погинати во автомобилска несреќа во Мексико

Едно лице загина, а 11 се повредени во експлозија на гас во Мексико

А1он

САД се жалат на одбивањето на барањето за екстрадиција на Асанж од Британија

А1он