Меј нема да поднесе оставка и покрај притисокот во партијата

Од:

Лидерот на британските конзервативци и актуелен премиер Тереза Меј нема да поднесе оставка на својата лидерска функција и покрај притисокот што врз неа се врши во партиските редови, од незадоволните ториевци, посебно од оние кои ги загубија своите пратенички места, јавуваат британските медиуми.

Никој од партиските функционери нема јавно побарано од Меј да се повлече, но медиумите тврдат дека партијата е во состојба на „пред граѓанска војна“ и дека веке се лицитира со имињата на оние кои би можеле да ја наследат.

Прв на таа листа е министерот за надворешни работи и поранешен популарен градоначалник на Лондон, Борис Џонсон,, кој се претвори во силен приврзеник на Брегзит и на европското интергрирање.

Тој ноќеска по својот реизбор како пратеник зборуваше само за иднината на Британија, ниту еднаш не споменувајќи ја партијата и актуелниот лидер, која веке во тој момент занаше дека нема да може да обезбеди мнозинство за самостојно управување со Британија.

Меј пред седум недели неочекувано обави одржување на предвремени избори кога тоа никој од неа не го бараше, особено сега пред почетокот на преговорите со ЕУ, за напуштање на Унијата.

Од гласачите побара мандат за „силна и стабилна влада и силно лидерство# за да може успешно да ги спроведе преговорите за Брегзит, уверувајќи ги Британците дека надвор од ЕУ на земјата, на економијата и на обичните луѓе ќе им биде подобро отколку досега, како земја членка на ЕУ.

Гласачите не и поверуваа и таа сега освен што обезбеди свој мандат за премиерската функција, не успеа да обезеди стабилна влада, а уште помалку стабилна премиерска позиција, нити дома, а ниту во странство.

Таа сакаше со изборите во време на превирања во опозициската Лабуристичка партија, да го „уништи“ Џереми Корбин, да ги „понижи“ лабуристите, кои требаше да доживеат „срамен пораз“ како и да ја развласти Шкотската национална партија (СНП) во Шкотска, најавувајќи „историски пробив“ на ториевците во тој дел од Обединетото кралство.

Сега е јасно дека СНП загуби 21 пратеничко место, но остана прва политичка сила во Шкотска, а лабуристите и Корбин, не само што не останаа понижени, туку се единствените кои може да бидат задоволни од изборите кои не ги поскауваа. Тие сега имаат 29 пратеници повеќе од досега.

Лабуристте и СНП, бараат од Меј да си замине затоа што предизвика дестабилизација на земјата во време кога и е потребна стабилост за сите предизвици со кои таа се соочува, не само околу Брегзит.

Поранешниот министер за финансии, Џорџ Озборн кого Меј пред една година го тргна од функцијата и од владата, изјави дека таа мора да поднесе одговорност за грешките во кампањата и за погрешната стратегија и верувањето дека ќе оставри уверлив триумф каков ниту Маргерат Тачер немала.

Би можело да ве интересира

„Тајмс“: Лондон преговара со Киев за испорака на ракети

Ана Ололовска

Британскиот министер за здравство не исклучува бројот на заразени со Ковид-19 да биде 100.000 дневно

Ана Ололовска

Кралицата Елизабета го откажа патувањето за Северна Ирска по совет на докторот

А1он

Џонсон најави партнерство со Гејтс во вредност од 552 милиони долари

Ана Ололовска

Во последните 24 часа во Британија регистрирани 43.738 нови случаи на коронавирус, најмногу во Европа

Ана Ололовска

Евакуација на аеродромот во Манчестер поради сомнителен пакет

А1он