Британската премиерка Тереза Меј изјави синоќа дека е подготвена да ја намали заштитата на човековите права со цел да спроведе поефикасна борба против екстремизмот.
На предизборниот митинг во градот Слоу, Меј нагласи дека властите на Обединетото Кралство треба да бидат во состојба да направат повеќе за да се борат со терористичките закани, вклучувајќи го оганичувањето на движењето на лица осомничени за екстремизам, кога полицијата има доволно докази дека тие претставуваат закана, но не доволно за да ги задржи, јави ТАСС.
– Ако нашето законодавство во областа на човековите права не спречува да го направиме тоа, ние ќе ги промениме законите за да можеме да го направиме, истакна Меј.
Меј исто така, повика и на построги пресуди за осудените за терористички дејности, како и за олеснување на процесот за депортирање на странските граѓани кои се осомничени за екстремизам.