Поранешниот руски претседател Дмитриј Медведев изјави дека Москва се подготвува за украинска контраофанзива, додека Киев тврди дека руските сили „се издишале“.
„Тие (украинската страна) се подготвуваат за офанзива, сите го знаат тоа. Нашиот генералштаб го зема тоа предвид и подготвува свои решенија“, рече Медведев во петокот во интервју за руските медиуми.
Медведев, кој е заменик-претседател на Советот за безбедност на Путин, дополнително предупреди дека Москва е подготвена да го употреби „апсолутно секое оружје“ доколку Украина се обиде да го врати полуостровот Крим, кој Русија го анектираше во 2014 година.