Заменик-претседателот на Советот за безбедност на Русија, Дмитриј Медведев, во средата изјави дека Велика Британија е „вечен непријател“ на Москва и дека сите британски функционери кои ја помагаат војната во Украина може да се сметаат за легитимни воени цели.
„Обединетото Кралство делува како сојузник на Украина обезбедувајќи и воена помош во форма на опрема и експерти, односно де факто води необјавена војна против Русија“, напиша Медведев на Твитер, пренесува Ројтерс.
„Затоа секој нејзин јавен функционер (без разлика дали е воен или цивил, кој ја олеснува војната) може да се смета за легитимна воена цел“.
Медведев често се заканува на други земји за време на руската инвазија на Украина.