Медиумскиот магнат Руперт Мардок со поддршка за Ромни

Од:

Медиумскиот магнат Руперт Мардок денеска на Твитер изрази поддршка за претседателската кандидатура на републиканецот Мит Ромни.

 Мардок на својот профил го обвини потпретседателот на САД, Џозеф Бајден дека лажел околу нападите на американскиот конзулат во Бенгази кога беше убиен амбасадорот Крис Стивенс, како и за својот однос со израелскиот премиер Бенјамин Нетанјаху.

„Ако победи Обама тоа ќе биде ноќен кошмар за Израел. Бајден лажеше за својот личен однос со Нетанјаху, а  поставувањето на Сузан Рајс за државен секретар ќе биде вистински ноќен кошмар“, напиша познатиот медиумски магнат.

Според неговата проценка, кој ќе е победник ќе одлучи гласањето во Охајо, една од десетте најважни свинг  држави.

Иако Мардок е  сопственик на „Фокс Нјуз“ и „Волстрит Журнал“ кои се наклонети на републиканците, претходно  го критикуваше Ромни  во кампањата.  Сега јасно стави до знаење дека сака да го види Обама надвор од Белата куќа.

Во следната дебата, Ромни мора да ги игнорира личните напади и да се насочи на приказната за отворање на милиони нови работни места, бидејќи тоа е единствено важно, го посоветува Мардок,  претседателскиот кандидат на републиканците.

 

Би можело да ве интересира

ВИДЕО: Крвав напад со нож во САД, четворица мртви

САД воведоа санкции за ентитети кои наводно им помагале на Хутите и Хезболах

САД бара од Украина да ги запре нападите врз руските рафинерии

(ВИДЕО) Пресметка меѓу мигрантите и Националната гарда на Тексас кај Ел Пасо

ВИДЕО: Американската милјардерка која со Тесла излета во езеро и се удави била пијана

Малолетник убил девојче со 114 убоди од нож, сега му се заканува доживотен затвор

Горан Наумовски