Макрон во Литванија се сретна со Тихановскаја

Од:

Францускиот претседател Емануел Макрон денеска во Вилнус се сретна со лидерката на белоруската опозиција Светлана Тихановскаја, при што вети помош за посредување во политичката криза во Белорусија.

– Ќе направиме најдобро што можеме за да помогнеме во медијација, рече Макрон по состанокот, кој дополнително беше додаден во распоредот за неговата посета на Литванија.

Тој рече дека планира да се обрати на Организацијата за безбедност и соработка во Европа (ОБСЕ) „со цел да се постигне напредок“.

На вчерашниот, прв ден од неговата посета на Вилнус, Макрон ги повика белоруските власти да престанат со незаконското апсење, да ги ослободат произволно уапсените демонстранти, а во неделата побара од белорускиот лидер Александар Лукашенко да поднесе оставка.

Тихановскаја рече дека Макрон и ветил дека ќе и помогне во преговорите со белоруските власти и да за ослободување на политичките затвореници.

– Тој ни вети дека ќе стори сè што може за да помогне во преговорите за време на политичката криза во нашата земја и дека ќе помогне во ослободувањето на политичките затвореници, изјави Тихановскаја по средбата со Макрон во Вилнус, каде што е во егзил. Таа исто така рече дека ќе одржи говор пред француското Национално собрание.

– Добивме покана да зборувам пред францускиот Парламент и ја прифативме, рече таа.

Тихановскаја избега од Белорусија по изборите на 9 август.

Таа вчера го повика францускиот претседател да посредува во решавањето на кризата во Белорусија. Белорусија се соочува со масовни протести од спорните избори на 9 август. И претседателот Александар Лукашенко и Тихановскаја тврдат дека победиле. Според Министерството за внатрешни работи, полицијата во Белорусија во неделата привела повеќе од 350 демонстранти.

Подоцна во текот на денот Макрон треба да ги посети француските војници во НАТО во литванскиот град Рукли.

Би можело да ве интересира

Франција се затвора поради Ковид-19, нема влез во земјата

Ана Ололовска

Техеран: Во Ница се случи терористички напад, да го прекинеме маѓепсаниот круг

Жарко Настоски

Трамп: Поддршка за Франција, стоп за исламскиот тероризам

Жарко Настоски

Терористот од Ница е 21-годишен дојденец од Тунис, кој влегол во Франција овој месец

Жарко Настоски

Макрон: Исламистички терористи ја нападнаа Франција

Жарко Настоски

Мицотакис и Ципрас изразија солидарност со Франција

Жарко Настоски