Макрон со критика за властите и јавните претпријатија кои почнуваат „да ги плашат луѓето со апсурдни сценарија“

Од:

Францускиот претседател Емануел Макрон денеска упати критики за „властите и јавните претпријатија“ чија улога „не е да пренесуваат страв или да управуваат со страв“, откако француската електродистрибуција (РТЕ) предупреди за можни прекини на струја оваа зима. – Стоп за сето тоа, порача Макрон, пренесува дописникот на МИА.

– Улогата на владата, министрите, операторите е да ја завршат својата работа за да обезбедат енергија, тоа е сè. А потоа да ги повикаат сите на одговорност за да има трезвеност. Не е да почнат да ги плашат луѓето со апсурдни сценарија и работи како оние што јас ги „слушнав во последните часови“, рече шефот на државата при неговото пристигнување во Тирана (Албанија) на Самитот ЕУ-Западен Балкан.

– Ние сме одлична земја, имаме одличен енергетски модел, продолжи Макрон, уверувајќи дека „ќе издржиме оваа зима и покрај војната. Затоа ги молам сите да си ја завршат работата“. – Работата на ЕДФ е да управува со електраните. Работата на владата е да има планирање. (…) Сценаријата на страв, не се за мене. Сите остануваме обединети и одиме напред“.

Во саботата, Емануел Макрон веќе ги повика Французите да не „паничат“ пред ризикот од прекини на струја, дури и судејќи дека тие би можеле да се избегнат доколку потрошувачката се намали за 10 проценти. Владата, која ги предвидува „сите сценарија“ во мерка за „прогнозирање“ во случај на недостиг на електрична енергија, на 30 ноември испрати циркулар до префектите за да ги подготват нивните сектори за „целни прекини на струја и закажани“, според документот.

Во случај на многу тензична ситуација во електроенергетскиот систем оваа зима, особено во јануари, апликацијата EcoWatt „електрична временска прогноза“ управувана од РТЕ ќе издаде црвен сигнал три дена однапред за да предупреди на ризикот од насочени и привремени прекини, така што сите ќе треба да спроведуваат мерки за нивно избегнување. Ако потрошувачката не се намали по издавањето на црвениот сигнал, ротирачките намалувања од два часа организирани на делови од одделите би биле „неизбежни“, според РТЕ.

Извор: МИА

Би можело да ве интересира

Блумберг: Макрон е силен на зборови, но не издвојува пари за Украина

Горан Наумовски

Макрон: Присилното преселување на населението од Газа е воено злосторство

Макрон: Русија не е голема сила

Горан Наумовски

Макрон: Европа треба да се подготви за војна ако сака мир

Макрон ги повика сојузниците да не бидат „кукавици“

Макрон за изјавата за испраќање војници во Украина: Секој мој збор е одмерен, обмислен и избалансиран