Макрон: Путин направи голема грешка кога ја започна војната во Украина

Од:

Францускиот претседател Емануел Макрон во интервју за Еј-Би-Си изрази надеж дека преговорите со рускиот претседател Владимир Путин за ставање крај на војната се се уште можни.

Макрон рече дека е „голема грешка на Путин што ја започна инвазијата на Украина“.

Во интервјуто, Макрон зборуваше за неговата посета на Вашингтон и за зајакнувањето на Франција како најстар сојузник на САД, особено за време на војната меѓу Русија и Украина.

„Добриот мир не е мир што двете страни нема да го прифатат на среден и долг рок“, рече Макрон одговарајќи на новинарско прашање за неговата визија за успешни мировни преговори.

„Мислам дека претседателот Путин направи голема грешка со започнувањето на оваа војна“, рече Макрон, споенувајќи ги договорите од Минск меѓу Украина и Русија по 2014 година во обид да се спречи војна. Путин оттогаш кажува дека не го признава тој договор.

„Имаше политички и дипломатски процес во кој беше вклучена меѓународната заедница. И тој одлучи сам, врз основа на лажен наратив, велејќи дека НАТО ќе ја искористи Украина за да ја нападне Русија, што е сосема погрешно“, рече Макрон.

На прашањето дали човек кој е способен да донесе таква погрешна одлука е способен да преговара за мир, Макрон одговори дека „сепак се надева дека Путин ќе биде рационален во преговорите за ставање крај на војната“.

„Путин е долго време на чело на Русија, го познава својот народ. Згреши што ја нападна Украина. Можно ли е враќање на преговарачка маса со Путин? Мислам дека сè уште е можно“, изјави Макрон за Еј-Би-Си.

Извор: МИА

Би можело да ве интересира

ВИДЕО: Нов руски напад на Харков, убиено 12-годишно момче

Катерина Ѓуровски

Путин: Обвинувањата дека Русија ќе ја нападне Европа по Украина се целосна глупост

Блумберг: Макрон е силен на зборови, но не издвојува пари за Украина

Горан Наумовски

Путин: Бескрајната река на таленти го прави народот на Русија непобедлив

Русија издаде налог за апсење на шефот на украинската служба за безбедност поради тероризам

Кремљ: Мировни преговори за Украина без учество на Русија се апсурдни