Во телевизиското обраќање до нацијата, францускиот претседател Емануел Макрон повеќепати повтори „ние сме во војна“, „здравствена војна, но непријателот е тука. Невидлив, недопирлив“.
Претседателот Макрон најави дека уште утре напладне и најмалку за 15 дена „сите движења ќе бидат значително намалени“.
„Состаноците на отворено повеќе нема да бидат дозволени, наоѓање пријатели повеќе нема да биде можно: треба да се ограничат колку што е можно повеќе контакти надвор од домот“,објасни тој.
-На целата француска територија, мора да останат само потребните патувања, за купување, со почитување на растојанија, за медицински третман, за одење на работа“, додаде тој.
– Сите претпријатија мора да се организираат за да ја олеснат далечинската работа. И кога тоа не е можно, тие ќе треба да ја прилагодат својата организација, додаде шефот на државата, посочувајќи дека „секој прекршок ќе биде казнет “.
Шефот на државата, исто така, најави одложување на вториот круг од изборите во општините.
-Оваа одлука беше предмет на едногласен договор со лидерите на партиите, рече Емануел Макрон.
Тој притоа порача рече дека епидемијата „Ковид-19“ станала „непосредна реалност“ за Французите. Ова доведе до тоа извршната власт да затвори градинки, училишта, средни училишта, како и барови и продавници што не се од суштинско значење за животот на нацијата.
-Франција никогаш не мораше да донесе вакви одлуки во мирнодопско време, рече Емануел Макрон.
Шефот на државата, сепак, ги осуди состаноците во парковите и преполните продавници, забележани во неделата.
-Со спротивставување на овие инструкции, вие не се заштитувате, но не ги заштитувате другите. Дури и ако немате никакви симптоми, ризикувате да ги загрозувате животите на вашите најблиски, нагласи тој.
На крајот францускиот претседател најави и вклучување на армијата во борбата против Ковид-19, со развивање на воена болница во Алзас.