Макрон нареди да се отворат серија истраги околу шпионскиот софтвер „Пегаз“

Од:

Францускиот претседател Емануел Макрон денеска побара отворање на серија истраги за скандалот со шпионскиот софтвер Пегаз, информира денеска премиерот Жан Кастекс за францускиот ТВ канал ТФ1.

dobivaj vesti na viber

Францускиот дневен весник „Ле Монд“ објави дека телефонот на Макрон е на списокот на мароканска разузнавачка агенција, со цел да се изврши надзор со помош на шпионскиот софтвер „Пегаз“.

Според информациите, телефонските броеви на претседателот, како и на тогашниот премиер Едуард Филип и на уште 14 министри биле избрани за можен надзор со шпионскиот софтвер.

Француското претседателство соопшти дека доколку откритијата за телефонот на Макрон се вистина, тоа би била многу сериозна ситуација и надлежните органи ќе испитаат се за да го расветлат случајот, се наведува во извештајот.

Илјадниците следени лица ширум светот биле шпионирани од влади на различни земји користејќи ги нивните Ајфони или Андроид телефони. Истрагата на „Гардијан“, „Вашингтон пост“, „Ле Монд“ и 16 други медиуми откри дека шпионскиот софтвер „Пегаз“ на НСО Груп може да ја вклучи камерата или микрофонот на телефонот и да украде податоци од апаратот без знаење на сопственикот.

„Пегаз“ може да се инсталира од далечина без да треба да се наведува корисникот да го преземе, а откако ќе се вклучи, телефонот ефикасно се шпионира. Може да обезбеди пристап до апликации како што се WhatsApp, Telegram и Signal, е-пошта, текстуални пораки, GPS податоци и списокот со контакти на телефонот. „Пегаз“ им овозможува на оние што ја следат целта не само да го следат објектот и да откриваат со кого разговара и за што, туку и да имаат пристап до компромитирачки слики и информации со кои можат да уценуваат или малтретираат.

Би можело да ве интересира

ЕУ: 2022 година рекордна по бројот пожари во југозападна Европа

Ана Ололовска

Франција: Активисти за заштита на животната средина поради сушата ги наполнија дупките за голф со цемент

Ана Ололовска

Менингитис: 56.000 млади повикани да се вакцинираат во француските Оверњ-Рона-Алпи

Ана Ололовска

Грција со два авиони ѝ помага на Франција во гаснењето на пожарите

Во пожар во Франција изгореа 6.800 хектари, а евакуирани се 10.000 лица

А1он

Уште пет земји од ЕУ ќе и помогнат на Франција во борбата против шумските пожари

А1он