Макрон – Мицотакис: Пријателството на Франција и Грција е важно за Европа и иднината на сите

Од:

Знам дека станавте премиер пред само неколку недели, но дека односот на нашите земји е многу важен за вас, рече францускиот претседател Емануел Макрон во изјавата со која го пречека грчкиот премиер Киријакос Мицотакис во Елисејската палата.

– Кога Грција беше во криза, поддршката на Франција беше важна. Ова не ја одзема големата храброст што ја покажа грчкиот народ и нивната одлука да останат во еврозоната, додаде Макрон.

Францускиот претседател зборуваше за „долгото пријателство засновано врз културата“ и истакна дека Франција верува во обединет фронт на ниво на ЕУ за да се соочи со заедничките предизвици.

– За новата стратешка агенда за Европа ќе се расправа веднаш штом ќе се свика новата Европска комисија, рече тој, истакнувајќи дека нејзините приоритети треба да бидат растот, борбата против невработеноста и заедничкиот буџет на еврозоната.

Макрон истакна дека Франција сака да ја зајакне и одбраната.

Во однос на активностите на Турција во кипарската ексклузивна економска зона изрази солидарност и повика на поголема соработка за ова прашање.

Тој, исто така, го постави прашањето за климатските промени, осврнувајќи се на пожарите во Грција ова лето и рече дека „прашањето за климата ќе биде во првите планови“ во Европа.

Макрон го повтори задоволството од посетата на Мицотакис на Париз. – Моето пријателство со вашата земја и грчкиот народ е пријателство што е важно за Европа и за иднината на сите, рече Макрон.

Од своја страна, Мицотакис упати покана до француските претприемачи и инвеститори да се приклучат на развојот на Грција.

Тој рече дека Европа треба да ги штити своите граѓани и го повтори барањето на претседателот Макрон да се воспостави постојан механизам за цивилна заштита во ЕУ.

– Франција е стабилен пријател на Грција. Грција го повторува своето влијание во Европа, која останува наш природен дом, рече грчкиот премиер при пристигнувањето во Елисејската палата.

Би можело да ве интересира

Во Франција засилени безбедносни сили пред сите католички и протестантски цркви за време на Велигден

Франција ја подигна безбедноста на највисоко ниво

Тело на мртов маж најдено во Јанина, околу главата и нозете му биле врзани вреќи со ѓубре

Горан Наумовски

Се урна грчки борбен авион, пилотот е спасен

Во Франција се уапсени 13 лица осомничени дека се членови на нарко-банда од Марсеј

(ВИДЕО) Драма во Франција: Поплава однесе татко и две деца