Францускиот претседател Емануел Макрон, во денешниот разговор со израелскиот премиер Бенјамин Нетанјаху, ги осудил ракетните напади на движењето Хамас врз цивилни цели и оцени дека „Израел има право да се брани“.
Како што е соопштено од Елисејската палата, Макрон изразил загриженост и поради страдањата на цивилите во Појасот Газа.
Судирите меѓу Израел и Палестинците траат веќе петти ден, а досега на палестинската страна загинале повеќе од 100 луѓе и осум на израелската.