Францускиот претседател Емануел Макрон ги повика синдикатите во транспортниот сектор да го прекинат штрајкот поради пензиските реформи за време на божиќните празници со цел да се овозможи нормално функционирање на сообраќајот.
– Штрајкот е оправдан и уставно заштитен, но мислам дека има моменти во животот кога е добро да се прекине од почит кон семејствата и семејниот живот, рече Макрон на конференцијата за време на неговата посета на Брегот на Слоновата Коска.
Тој додаде дека прекинот на штрајкот нема да значи дека синдикатите се откажуваат од нивните барања, но ќе покаже „чувство на одговорност и почит кон граѓаните на Франција“, кои понекогаш се далеку и сакаат да бидат со своите семејства за време на празниците.
И покрај повиците на некои синдикати да го прекинат штрајкот за време на Божик, неколку железнички организации најавија дека ќе продолжат со протестите кои траат две недели.