Макрон денеска ќе разговара со Бајден за кризата со подморниците

Од:

Францускиот претседател Емануел Макрон денеска ќе разговара со својот американски колега Џо Бајден за кризата што се случи меѓу Париз и Вашингтон поврзана со раскинатиот договор со Австралија за набавка на подморници, објави портпарол на француската Влада.

Се очекува во телефонски разговор да ги разјаснат условите во кои беше објавено формирањето на новиот сојуз, како и условите за новиот американски ангажман со сојузниците, изјави портпаролот по владиниот состанок.

Разговорот се води „на барање на претседателот на САД“, потсети Елисејската палата. САД, Велика Британија и Австралија на 15 септември објавија ново стратешко партнерство во индо-пацифичкиот регион, но тие земји не ја консултираа Франција, која загуби вреден договор за испорака на подморници во Австралија.

Макрон очекува „појаснувања во врска со американскиот избор да се задржи еден европски сојузник на страната на структурната размена за соработка во Индо-Пацификот“, соопшти француското претседателство.

– Очекуваме нашите сојузници да признаат дека размените и консултациите кои требаше да се спроведат, не се насоки, и дека ова е прашање на доверба, од која треба заедно да ги сносиме сите последици, се додава во соопштението.

Би можело да ве интересира

Бајден: Белите расисти се најголемата терористичка закана за САД

А1он

Бајден загрижен поради кинеските хиперсонични ракети

Ана Ололовска

Бајден нареди спуштање на знамињата на половина копје во спомен на поранешниот државен секретар Колин Пауел

А1он

Бајден го потпиша Законот за привремено зголемување на лимитот на задолжување на државата, избегнат банкрот

Бајден ќе го прими кенискиот претседател

А1он

Повик до Бајден да ги прекине сите проекти поврзани со нафта

Ана Ололовска