Макрон: Ако Путин се согласи на преговори, Западот мора да ги разгледа неговите барања

Од:

Западот треба да размисли како да одговори на потребата на Русија за безбедносни гаранции доколку претседателот Владимир Путин се согласи да преговара за крај на војната во Украина, изјави францускиот претседател Емануел Макрон во интервју емитувано денеска.

Во интервјуто за француската ТВ станица TF1, снимено за време на неговата државна посета на Соединетите држави оваа недела, Макрон вели дека Европа мора да ја подготви својата идна безбедносна архитектура.

„Ова значи дека една од суштинските точки на кои мораме да се осврнеме – како што претседателот Путин отсекогаш велеше – е стравот дека НАТО ќе дојде пред неговата врата и ќе распореди оружје што може да ја загрози Русија“, рече Макрон.

„Оваа тема ќе биде дел од мировните разговори, затоа треба да знаеме што сме подготвени да направиме, како да ги заштитиме нашите сојузници и земјите-членки и како да и обезбедиме гаранции на Русија денот кога таа ќе се врати на преговарачката маса“, рече. францускиот претседател.

Русија и САД оваа недела изјавија дека се отворени за разговори во принцип, иако американскиот претседател Џо Бајден рече дека ќе разговара со Путин само доколку шефот на Кремљ покаже дека е вистински заинтересиран за завршување на војната. Украина вели дека преговорите се можни само доколку Русија престане да напаѓа и ги повлече своите војници.

Многумина во Украина и на Запад се категорично против какви било разговори со Путин кои би го наградиле со отстапки по речиси 10 месеци војна, особено што Украина ги избрка руските сили од голема област во последните три месеци.

Но, забелешките на Макрон сугерираат дека тој ја разбира потребата на Москва за безбедносни гаранции, барање во центарот на интензивната, но неуспешна дипломатија во пресрет на војната.

На 8 февруари, само неколку недели пред руската инвазија, Путин на заедничката прес-конференција со Макрон во Москва рече дека Русија ќе продолжи да се обидува да добие одговори од Западот за нејзините три главни безбедносни барања: запирање на проширувањето на НАТО, распоредување на проектили во близина на нејзината граница и намалување на воената инфраструктура на НАТО во Европа на ниво од 1997 година. САД тогаш објавија дека руските барања се нереални.

Би можело да ве интересира

Песков: Американските ракети со долг дострел дополнително ќе го ескалираат конфликтот

А1он

Руски функционер: Бахмут е оперативно опколен

А1он

Украина: Наместо тенкови ни требаат дронови

А1он

Руски новинар осуден на осум години затвор за ширење „лажни вести“ за руската армија

А1он

На Украина треба да и се дозволи да влезе во НАТО веднаш штом ќе заврши војната вели новиот чешки претседател

А1он

Бајден: Ќе разговарам со Зеленски за украинските барања за испорака на софистицирано оружје