Македонија пак му воведе санкции на Лукашенко, од сите кандидатки за ЕУ само Србија била против

Од:

Европскиот совет денеска соопшти дека се воведени нови санкции на ЕУ кон власта на белорускиот претседател Александар Лукашенко, како и дека кон мерката се приклучиле сите земји-кандидатки за членство во Унијата, освен Србија.

На 21 јуни, Советот ги воведе казнените мерки кон 78 белоруски државјани и седум правни лица, поради „тешко кршење на човековите права и репресија врз граѓанското општество, опозицијата и новинарите“, како и поради принудното приземјување на авион во Минск, за да се уапси опозициски блогер.

Меѓу индивидуалците кои се ставени под санкции во рамките на четвртиот пакет се голем број судии и обвинители „одговрони за бројни политички мотивирани пресуди против новинари, активисти и демонстранти“, се објаснува во одлуката на Европскиот совет.

Под санкции се и неколкумина прорежимски новинари, ректори на повеќе универзитети поради исфрлување на студенти кои учествувале во протести, како и бројни бизнисмени кои имаат блиски врски со власта на Лукашенко.

Иако Србија сега е единствената земја-кандидатка што не го поддржа овој пакет казнени мерки, земјата минатиот месец веќе поддржа една слична одлука на Европскиот совет.

Би можело да ве интересира

САД воведоа санкции за ентитети кои наводно им помагале на Хутите и Хезболах

Добитниците на Нобеловата награда бараат ослободување на политичките затвореници во Белорусија

Ахмети: Александар Дугин, главата на руските политики има партија во Македонија

Нови промени за сообраќајните казни во ЕУ: Никој веќе нема да може да ги избегне

Москва одговори на американските санкции, „рампа“ за повеќе од 200 Американци

ЕУ постигна привремена спогодба за нови правила за трговија со огнено оружје