Мадрид ќе го пренамени саемот во болница со 5.500 кревети

Од:

Регионалната влада во Мадрид планира да постави болница со 5.500 кревети на саемот во северниот дел од градот, откако од коронавирусот во Шпанија починаа илјада лица.

Бројот на заразени пациенти денеска се зголеми за околу 20 отсто, односно на 20.500 лица.

Новата привремена болница за коронавирус ќе биде поставена во конгресниот центар ИФЕМА во близина на аеродромот, соопштија денеска локалните власти.

Во тој центар се одржуваат големи саеми, како што е ФИТУР, најголемиот саем за туризам во Шпанија. Овој месец таму требаше да се одржи Светскиот конгрес за воздушен сообраќај, но беше откажан како прв настан откажан во Мадрид поради коронавирусот.

Мадрид сега е жариште на коронавирусот со повеќе од 7.000 пациенти, пред Каталонија со околу 3.000 заразени.

Во главниот град, два хотела веќе се претворени во болници, опремени за лекување на пациенти заразени со коронавирусот.

Досега помош понудија повеќе од 40 хотели со капацитет од 9.000 легла, соопшти Здружението на хотелиери на Мадрид.

Околу 47 милиони жители на Шпанија една недела се во домашна изолација.

Би можело да ве интересира

СЗО: Омикрон е регистриран во 38 земји, засега нема смртни случаи

А1он

Главната научничка на СЗО вели дека нема потреба од паника поради појавата на омикрон

А1он

СЗО: Омикрон може да ја влоши ситуацијата во Европа

А1он

Портпаролот на СЗО ги пофали компаниите што подготвуваат нова вакцина

А1он

Линдмајер: Производителите да ги приспособат вакцините на омикрон

А1он

Јужна Африка влегува во четвртиот бран на Ковид-19

Ана Ололовска