Меѓународната агенција за атомска енергија (МААЕ) е се позагрижена за здравјето на украинскиот персонал во нуклеарната централа Запорожје во Украина, што е под контрола на руските сили, се вели во денешното соопштение на организацијата.
„МААЕ е свесна за неодамнешните извештаи во медиумите и на други места кои укажуваат на влошување на работните услови на украинскиот персонал во најголемата нуклеарна централа во земјата“, се вели во соопштението на МААЕ. Тие додаваат дека организацијата сака да испрати свои експерти во Запорожје што е можно поскоро.
Руските сили ја заземаа нуклеарната централа Запорожје на почетокот на март оваа година.
Извор: МИА