Лукашенко: Војна во Европа е можно само доколку Западот ги нападне Белорусија или Русија

Од:

Белорускиот претседател Александар Лукашенко денеска изјави дека смета дека војната во Европа е можна, но само доколку Белорусија или Русија бидат подложени на воена агресија, јави ДПА.

„Дали ќе има војна или не“? праша реторички Лукашенко за време на неговото денешно обраќање до нацијата, и самиот одговори: „Да, ќе има. Но само во два случаи. Доколку се изврши директна агресија врз Белорусија. И второ… доколку нашиот сојузник Русија биде директно нападната“.

Лукашенко е близок сојузник на рускиот претседател Владимир Путин, а Москва и Минск планираат заеднички воени вежби во Белорусија во февруари, што предизвика загриженост на Западот со оглед на актуелните тензии околу Украина.

Планирано е маневрите да се одржи на југот на Белорусија, во близина на украинската граница.

Американскиот Стејт департмент изрази загриженост дека Москва би можела да стационира војници во Белорусија под превезот дека учествуваат во маневрите и оттаму да го почне нападот врз Украина, пренесе ДПА.

Извор: МИА

Би можело да ве интересира

Лукашенко: Извршителите на нападот во Москва прво се обиделе да побегнат во Белорусија

Добитниците на Нобеловата награда бараат ослободување на политичките затвореници во Белорусија

Во Белорусија, први избори од 2020 година, лидерот на опозицијата е во егзил: Тоа е фарса, шоу, циркус

Горан Наумовски

Лукашенко сака патроли со огнено оружје на белоруските улици

Путин: Белорусија стана нуклеарна сила

Масовни рации во Белорусија: 159 луѓе „на мета“