Лукашенко ѝ наредил на полицијата да стави крај на протестите

Од:

Белорускиот претседател Александар Лукашенко денеска изјави дека издал наредна Министерството за внатрешни работи да стави крај на немирите во Минск, што избувнаа по претседателските избори одржани на 9 август.

Според белоруската новинска агенција БЕЛТА, Лукашенко истакнал дека групата медиумски работници кои се придружија на протестите не треба да им се дозволи да се вратат на работа.

Исто така, Лукашенко наредил зајакнување на безбедноста на границата со цел да се спречи влез на „борци и оружје“ во земјата.

Белорускиот претседател, кој е на чело на земјата од 1994 година, се соочува со сериозни предизвици откако избувнаа големи протести по претседателските избори, на кои тој освои убедлива победа. Опозицијата не ги признава резултатите и тврди дека изборите се лажирани, а Европската унија најави дека нема да ја признае победата на Лукашенко, откако белоруската полиција одговори со насилство на протестите, на кои едно лице загина, а илјадници беа повредени или уапсени.

Би можело да ве интересира

Лукашенко: Извршителите на нападот во Москва прво се обиделе да побегнат во Белорусија

Добитниците на Нобеловата награда бараат ослободување на политичките затвореници во Белорусија

(ВИДЕО) Протест „Против Путин“ на некои избирачки места во Русија

Горан Наумовски

Во Белорусија, први избори од 2020 година, лидерот на опозицијата е во егзил: Тоа е фарса, шоу, циркус

Горан Наумовски

Дваесетина уапсени на антивладините протести во Тел Авив

Горан Наумовски

Лукашенко сака патроли со огнено оружје на белоруските улици