Белорусија не им се заканува на соседите со нуклеарно оружје или единици на руската паравоена формација Вагнер, изјави денеска белорускиот претседател Александар Лукашенко.
„Ние не мавтаме со нуклеарно оружје, ниту со единици на Вагнер или што било друго – никому не се закануваме“, рече Лукашенко на церемонијата одржана по повод Денот на националното единство.
По разговорите со партнерите од Летонија, Литванија и Естонија на 28 август, полскиот министер за внатрешни работи Мариуш Камински побара групата Вагнер веднаш да ја напушти Белорусија и предупреди дека неговата земја и балтичките земји ќе ги затворат сите гранични премини со Белорусија во случај на сериозен инцидент.