Лондонскиот аеродром „Гетвик“ е затворен од претпаднево за сите полетување и слетувања, откако на пистата се откриени „нечистотии“ од излеани материјали, соопшти управата на аеродромот.
Во соопштението се вели дека аеродромот е затворен од 10:35 часот по британско време (11:35 по средноевропско време), за да се отстранат „нечистотиите“ и да се доведе во ред пистата, но не се даваат никакви детали што ја предизвикало потребата за чистење во ова време од денот во првиот работен ден од неделата.
Сите авиони што требало да полетаат се приземнети, а летовите се одложени, додека авионите што требало да приситгнат на „Гетвик“ се пренасочувани на други аеродроми во Велика Британија.
Претставник на „Гетвик“ изјави дека само во првиот час од затворањето на аеродромот, се пренасочени повече од 20 летови.
Патниците се советуваат да не доаѓаат на аеродромот, додека не се расчистат работите, затоа што голем број летови се „одложени за друго време“.
„Гетвик“ е вториот по големина аеродром во Лондон и во Велика Британија.