Лондон е убеден дека Москва украла податоци за вакцина против коронавирусот

Од:

Британскиот министер за надворешни работи, Доминик Рааб, денеска изрази целосна убеденост дека Москва е вмешана во компјутерски напади насочени кон кражба на податоци за истражување од развој на вакцина против коронавирусот. Москва веќе ги негираше обвинувањата.

Во четвртокот, Велика Британија, Канада и САД обвинија група руски хакери кои работат „скоро сигурно во рамките на руските разузнавачки служби“ за обид да украдат истражувања од британски, канадски и американски организации за вакцина против новиот коронавирус.

– Апсолутно сме сигурни дека руските разузнавачки служби биле вклучени во компјутерскиот напад со цел саботажа или да ги искористат предностите од истражувањата и развој на вакцина“, рече Рааб за Скај њуз.

– Во време кога светот се обединува да се обиде да го запре Ковид-19 и да бара глобално решение со развој на вакцина, сметам дека е скандалозно и разочарувачко за руската Влада да учествува во оваа активност, рече Рааб и додаде дека Лондон ќе побара сметка од Русија.

Овие обвинувања беа категорично отфрлени од рускиот амбасадор во Лондон Андреј Келин.

– Јас воопшто не верувам во оваа приказна, нема никаква смисла, рече тој во интервјуто за Би-Би-Си денеска.

Рускиот дипломат рече дека првпат слушнал за тие хакери од британските медиуми.

Би можело да ве интересира

Волстрит Журнал: Канцелариите во САД се полупразни, шест месеци по почетокот на пандемијата

А1он

Фејсбук отстранува здравствени групи поради дезинформации

А1он

Франција воведува построги мерки за спречување на коронавирусот

А1он

Зголемен број смртни случаи од Ковид-19, но и новозаболени во Грција

А1он

Дневен преглед на состојбата со Ковид-19 во светот

А1он

Светска банка: Закрепнувањето на глобалната економија ќе трае пет години

А1он