Лондон демантира дека Русите пукале над британскиот брод, тој „мирно пловел низ украинските води“

Од:

Британското Министерство за одбрана попладнево ги демантира тврдењата на руската Влада дека во Црното Море руски брод испукал предупредувачки истрели врз разурнувач на британската кралска морнарица, јавуваат медиумите.

„Врз HMS „Defender“ не биле истрелани предупредувачки истрели. Бродот на Кралската морнарица изведувал мирно преминување низ украинските територијални води во согласност со меѓународното право”, соопшти британското министерство.

Министерството за одбрана на Обединетото кралство смета дека руските сили спроведувале вежновни гаѓања во Црното Море.

Руската Црноморска флота, заедно со Пограничната служба на руската Федерална служба за безбедност (ФСБ), соопшти дека денеска во водите на Црното Море испукала предупредувачки истрели во обид да спречат британски брод-разурнувач да ја наруши руската државна граница.

Претходно, според руската страна, британскиот разурнувач добил предупредување дека ќе биде употребено оружје врз него доколку ги наруши границите на Руската Федерација, меѓутоа, воениот брод не одговорил на предупредувањето, наведе руското Министерство за одбрана.

Би можело да ве интересира

Украинскиот министер за одбрана Резњиков подготвен за средба со рускиот колега Шојгу

А1он

Макрон: Франција и Германија не го напуштаат дијалогот со Москва

А1он

Џонсон со порака до Москва: Нема да се двоумиме со остри санкции и распоредување сили на НАТО во Украина

А1он

Без медиуми на седницата на бугарскиот Совет за безбедност за тензиите меѓу Русија и НАТО околу Украина

А1он

„Билд“: САД со нови санкции против Русија доколку ескалира ситуацијата во Украина

А1он

Путин: Русија и Кина се против политизација на спортот пред ЗОИ

Ана Ололовска